Ynne i miet u montri rangbah ka Assam, u Himanta Biswa Sarma da pyntip u wa uwi na ki pulit ka jylla Assam ya uwa da tip kam u Shyamprasad Dusat yong ka 6th AP Bn da khlaad noh u ha Silchar Medical College & Hospital.
U Dusat da mynsoo kuli u ha kpoh weiwa dang ware u kat dang lai i por wei ymye de wow kyrriah ya oo cha kiwi ki thaw sumaar kam ha Guwahati.
Neiliang u Himanta da e burom u ya uni u pulit uwa da yaleh wow yada ya u pood ka jylla Assam.
Kam wow pynkynmoo heini, i khlaad uni u pulit toh nei mynsoo hei jia i yakynaad hapyrdi ka Assam wa ka Mizoram heiwa da em i yasiat iwa mar kylliang iwa da wanrah ya i khlaad ki 5 ngut ki pulit ka Assam wei da mynsoo palat 50 ngut.
