theme-sticky-logo-alt
theme-logo-alt
Advertisement ad1
Advertisement ad1

Beiñ ka MEPA yei chah kem kiwa pathai khubor ka jylla ha ki pulit ka Assam

Advertisement ad1
Advertisement ad1

Ka Meghalaya Editors’ and Publishers’ Association (MEPA) da beiñ joor ko ya i chah kem ki san ngut kiwa pathai khubor ha ki pulit Assam ynne ka 27 tarik heipor 4:00 waje i janmiet.

Katkam wa da pyntip cha ka MEPA, kini kiwa pathai khubor na Ri-Bhoi District kiwa em hapoh kari da chah ksoh ki ha ki pulit ka Assam ha ki bynta u sarok na thaaiñ Rani Jirang cha Garchuk kiwa haap hapoh ka chnong Depar Beel ha Assam.

Advertisement ad1

Ki pulit Assam da sdang ki wow paan ya ki kot ki sla kam ki kot kari, ki Driving License wa kiwi kiwi tangwa mar sdang sai ya ki kot ki sla, neiliang ki pulit ka Assam da sdang pharep ki ya kiwa pathai khubor wa da tyngkheiñ ki ya ki kyndon COVID-19.

Ki pulit Assam da dawa poisa ki leh T. 2000 kam ka kuna na kini kiwa pathai khubor wei hajrong ini neiliang kiwa pathai khubor da kyntait ki wow su ya ka kuna wei du hadien itæ ki pulit ka Assam da kem noh ki ya ki wei da rah ya ki cha Azara Police Station ha khappood wa ka Meghalaya wei du hadien chibet chipor da pynlait noh ya ki hadien wa mih i yaklam hapyrdi ki ar jylla.

Hajrong ini, neiliang ka MEPA da beiñ joor ko yeiwa jia khamtam i thombor ya kiwa pathai khubor da ki pulit Assam deiwa kyntu leh ya ki pulit Assam wow burom ya i hok kiwa pathai khubor wow lai u wan ki katkam i emkaam yong ki.

Share this:
Previous

E yarap ka Ephphatha Society cha ki 35 ngut kiwa emkaam ya i yarap wa kyrpang

Next

Khlaad sa uwi u pulit ka Assam uwa mynsoo ha i jia ynnin ha khappood Mizoram