U Principal Secretary ka chnat PWD (R&B) wa PHE ka jylla Meghalaya, u Syed Mohammed Andaleeb Razi da khlaad syndet u hapoh ka kamra ka Hotel wa sah u ha ri Uzbekistan hadien wa sangeh syndet u klongsnaam u.
U Razi toh uwa lai chuti cha Bukhara, Uzbekistan wei da chem ya oo da kiwa kreh ka Hotel kiwa da hap wow tympra ya ka dwar hadien wym wai dwar u.
Neiliang u Montri Rangbah ka jylla, u Conrad Sangma da pyntip u wa u Razi da chim chuti u ar tayaaw wei ka sorkar dang yaklam wa ka sorkar Uzbekistan wei ka kurim u Razi da lai ko cha Bukhara.
Chooh chooh da ong u wa dang yang yow pyntikna yeiwa jia waroh.
U Razi toh u Indian Railway Traffic Service (IRTS) Officer wei da kreh u ha Meghalaya nadooh u snem 2021.
U Conrad da ong u wa u Razi toh u bru wa kreh chitom yei kaam yong oo wei uwa da dohyap bha ya kawon kawon ka chnat wa ksoh u wei da maya ya oo da waroh kiwa kreh wa oo.
Discussion about this post