U Syntar Klas Sunn, MLA ka Mawphlang Constituency da khlaad syndet u ynne i janmiet ka 10 tarik heipor kamwa 5:00 waje hei rta wa 62 snem hadien wa da ban ka chitom ko la kamwa chi tayaw ha yung wa sah u ha Mawngap.
U Sunn da jop u kam u kyrtong samen wei hadien da lai man u kam u Associate Member ka Party UDP.
Kam u MLA ha ka sien wa nyngkong, u SK Sunn da klam bha u ya ki phang ka jylla hapoh ka yung dorbar chna aiñ wei kamjooh iwa emkaam hapoh ka Constituency.
Da man u leh u bru uwa maya wei sñiawsuk ya ki kaam yalehke wei da ksoh u leh kam u President ka Shillong Sports Association, wei da man u leh uwi uwa da pynchlur ya ki khynroo ka jylla ha ka yalehke Football wei da seiñ leh ya ka Rangdajied FC.
U Sunn kam u MLA da man u leh kam u Chairman ka Assembly Committee on Environment.
U Sunn da jooh man u leh kam u Chief Engineer ka PHE wei hadien wa chong ngiah u da chim u ya ka rai wow yieñ Election ha u 2018.
Ya ka sngi pyndep ya ka niam ka rukom daw pyntip katwa dang yoh khubor.