Ynne i sngi heipor kamwa 3:30, kawi ka kari da noh ko cha synrang ha i bynta u sarok wow lai cha Chyrmang-Iongnoh ha i bynta wa da dep oor khyndaw ini wa dep heiwa ha ini i jia da chah rah leh kawi ka kari Maruti 800 hei miet ka 11-06-22.
Ynne won ka kari Mahindra XUV wa em ya u Number ML-05X-4578 wa yah da u Dr. Sanjoy Shylla uwa na Wahiajer, West Jaiñtia Hills deiwa emlang waka khon khynthai u wa dang 2 snem 11 bnai da noh ko cha synrang nei daw wym tip ha ini i jooh i thaw hadien wa wan ki na Iongnoh-Chyrmang yow lai cha Jowai lyngba ka Syntu Ksiar.
Ini i synrang toh iwa yillu kamwa 50M wei ym em booh kiwon kiwon ki Signboard wow kyntu ya ki paidbah wow man kiwa syndong hawa lai na ini i bynta wei ym em chna iwon iwon wow kær yei rood synrang wei wow khang leh ya u sarok.
Ya ka khynnah wa em hapoh kani ka kari da ye wow sai wei da kit cha Jowai Civil Hospital Ialong da kiwa chong chnong chwa wow poi ki pulit katwa ya u pa ko neidaw wa doom da chimpor wow ye u sai oo wei hadien wa sai da kit cha Jowai Civil Hospital Ialong da ka Ambulance heiwa ki Doctor da pyntip ki wa da khlaad chwa u.
Neidaw wa da miet, yaka Post Mortem daw leh won mynstep ka sngi.
Puræ leh: Oor u sarok wa lai cha Iongnoh, chah rah lang ka kari
