Ka kur Dhar Mulum haka yalang wa man ynne ka sngi da rai ko wow kyrchaan ya u Habahun Dkhar, u kyrtong ka NPP na ka 4-Mowkaiaw Constituency ha kani ka Election MLA wa daw man ha u 2023.
Ha kani ka yalang da em ki waheh ka kur, ki manbei wa ki khynroo heiwa da emlang u Sniawbhalang Dhar, uwa man u Montri ka sorkar Meghalaya.
Hei klam yong u Arnol Dhar, President ka Kur Dhar 3 Elaka, da yaroh u yei ku chaphrang ki khon ka Kur Dhar hawa da yoh ya u Sniawbhalang kam uwa mihkhmat paidbah heiwa da poi u hadooh ka kyrdan Montri haka sorkar, da kyntu u leh ya ki para kur wa em ha Mulum yow kyrchaan tylli ya u kyrtong ka NPP deiwa yaroh u ya ki kaam ka sorkar MDA hapoh i yahkhmat ka Party NPP.
Neiliang u Sniawbhalang Dhar hei klam yong oo da e khublei u ya ki para kur kiwa jooh kyrchaan ya oo ha kiwa boon ki liang kamjooh leh da yaroh u yei yoo jngai ki para kur naka chnong Mulum kiwa da e yei kyrchaan pura ya u kyrtong ka NPP na kani ka thaaiñ.
Da yoh leh yei klam na u Lingson Dhar, u Ius Dhar wa ki katu katni ngut ki manbei yong ka kur Dhar.
Ha kani ka yalang da emlang leh u Heitami Suting, President ka NPP 4-Mowkaiaw, u Chanki Lyngdoh, General Secretary ka NPP 4-Mowkaiaw. Da emlang leh ki para kur Dhar na Shangpung, Saphai, Sahsniang, Mowtyrshiah wa na kiwi ki chnong wa marjan.
