theme-sticky-logo-alt
theme-logo-alt

Khlaad uwi ha East Khasi nei oor khyndaw

Ka DC ka East Khasi Hills da pyntip ko wa ynne hadien wa joor bha u slap, hapoh ka District da em 6 tylli ki thaw wa chah ktah nei chlai um, i oor khyndaw heiwa da em uwi wa yap.

Ha Demseiniong ka Wahumkhrah da chlai ko heiwa da phah ya ki bru ka PWD, SDRF wa Police wow lai pait ki yeini yow lait iwon iwon i jia wa sñiawsih.

Ha Umling, i bynta i chram ki BSF da pra wei da haap i neidaw wa joor u slap wei ym em wa mynsoo ha ini i jia. Hajrong ini da phah ya u BDO, ka MUDA yow lai pait yeini.

Ha Madanriting Block-C iwi i chram da oor i cha i pchem ka Madan Hindi Patshala School wei ha ini wa jia ym em wa mynsoo.

Da em leh i oor khyndaw ha sarok Pynrusla heiwa ka NHIDCL da ye ko wow pynkhooid ya ini.

Ka skur Hubert Memorial School, Secondary, Umpling da chah ktah ko hei chlai um heiwa ka DC da phah ko ya ki bru ka PWD wow pait yeini.

Ha chnong Jongksha, Mawkynrew Block da em i oor khyndaw heiwa u Sidres K. Sahnoh (43 snem) u khon ka Rosila K. Sahnoh da khlaad noh u. Heiyatoh wa ini da phah ya ki bru ka PWD, BDO wa ki pulit yow leh ki yeiwa emkaam.

I chlai um leh da jia i kam ha Mawryngkneng ha ki bynta u sarok bah Shillong-Jowai wa ha kiwi de ki bynta.

Share this:
Previous

Da lehwarom ya ka World Red Cross Day ha Shillong

Next

Oor khyndaw, chlai um wei thut i lai i wan ki paidbah ha kylleiñ ki thaw ka Ri-loom Jaiñtia