Jowai: Ynne ka sngi da chah riñ bordiñ (Electrocuted) ar ngut ki bru hapoh Ri-loom Jaiñtia heiwa uwi da mynsoo u katwa uwi tawon won da khlaad noh u.
Katkam ka yutip wa da yoh na ki pulit ka West Jaiñtia da ong wa ynne i step da wanrah ya uwi u bru uwa da khlaad ha Dr. Norman Tunnel Hospital (Mission Hospital) Jowai.
Da ong wa ynne heipor kamwa 8:30 i step uwi u bru wa tip kam u Karbar Pakyntein na Mukhla heipor wa wai u ya kawi ka Gate kawa da bi ha uwi u sainar bordiñ da chah riñ u wei da pat noh u ha madan.
Mar jia ini da pynkit ya oo wut-wut cha kani ka thaw sumaar heiwa ki Doctor da ong ki wa da khlaad u. Hajrong ini da ujor hapoh ka Jowai Police Station wei dang pynman ya ka takit.
Sa iwi tawon i jia wa chah riñ bordiñ da jia i hajan ka yung krehkaam wa thymme u DC ka East Jaiñtia Hills kawa em ha Moolyngkut, Khliehriat heipor kamwa 12:15 pyrdi sngi heiwa uwi u bru da chah riñ u ha ka bordiñ heipor wa dang kreh u hajrong uwi na ki chrot bordiñ ka MeECL.
Ya uni u bru da tip kam u Chock Dkhar na ka chnong Thangrain wei kreh u chipor wa ka MeECL wei da mynsoo u ha ini i jia.
Hadien wa chah riñ u da yarap wow pynhiar noh ya oo na uni u chrot dei yarap ki CRPF, ki Pulit ka District wei katni dang em u hapoh i chah sumaar hapoh ka Khliehriat CHC.
Discussion about this post