Uwi u bru da dooh u yei mynsien hei ya tyrrah kari iwa da jia ha Sabahmuswang (laad Nangbah) iwa da jia ynne i step synyaaw ka 26 tarik heipor kamwa 1:00 waje haroh.
Hawa pynman ki pulit yei takit ya ini wa jia da chem wa ka kari Maruti Swift (rong lieh) wa em Number ML-04E-6375 wa yah da u Dalangki Suiam, uwa na Shangpung da pra i bynta wa naphrang ko heipor wa lai cheiliang Jowai.
Ya uwa yah kari da kit da uwi u bru cha Hospital chwa u poi ki pulit ha ini i thaw.
Ki pulit da suba ki wa kani ka Swift ye u man da tyrrah ko yei dien yong kawi ka Truck kawa ye u man leh ka Tanker kawa da yut noh na ini i thaw.
Ya kani ka kari da taan noh da ki pulit ka Phramer wei manda lai cha Hospital yow lai pait ya uwa yah kari, da pyntip ki Doctor wa da khlaad u chwa wow poi ha Jowai Civil Hospital, Ialong.
Hadien wa pyndep ya ka Post-Mortem da e kti yei metyap cha kiwa ha-yung ha-sem.
Discussion about this post