Ki pulit ka Shillong Traffic Police (STP) sa chisien da pynkynmoo ki ya ki paidbah wow man kiwa husiar hawa yah kari dei wym toh u pynhær kari, u yah khlem akor wei ym toh wow yah kari deiwa muaid.
Ka STP da pyntip ki wa ynne i step da em i ya tyrrah kari wa markhmat ki ar tylli ki kari khian ha 6th Mile wei da dooh yei mynsien yong uwi (35 snem) wei kiwa em hapoh leh da mynsoo ki. Kamtæ da ong ki wa ham e laad wa kini ki por lehkmen u man ki kiwa sñiawsih.
Da pynkynmoo ki leh wa hapoh ka ri da em hadooh 1,50,000 ngut kiwa dooh yei mynsien nei mynsoo ha ki chah tyrrah kari haka chi snem.
Chooh chooh da pyntip ki wa da em wa chah tyrrah kari ha Boucher Road, Shillong haka 28 tarik uni u bnai heiwa ka kari wa tyrrah da yut ko na ini thaw wa jia tangwa da yoh won wow kem yaka.
Da pynchlur ki leh ya ki paidbah wow thoh ya ki number kari lada sakhi ki yei tyrrah kari wei wow pyntip cha kini ki number: 100/0364-2215427/2222214/2222215. WhatsApp 6009196479.
