15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynkha chnat krehkaam ka HNYF harood ka wah Lukha

Advertisement ad1

Ka HNYF ynne ka sngi da yoh ko u pynkha chnat krehkaam ha rood ka wah Lukha wei ya kani ka chnat krehkaam thymme da tip ya ka kam ka HNYF Narpuh Circle.

Ha kani ka sngi da yoh yei klam sneiñ kyntu kympham na ka Deiwipaya Tongper ka President yong ka STIEH, kamjooh i klam na ki kattu katni kiwa yahkhmat dooh yong ka seiñ HNYF kam u Lamsuk Langstang, President HNYF Eastern Region, u Torson Lamba, President Southern Ri-War, u S.K. Blah, General Secretary seiñbei uwa da kyntu ya waroh ki dkhot thymme wow man ki kiwa da pynkhreh ya idæ khnang u yoh u man kam ki chipai ka ri wei yong ka jaitbru Ynñiaw Trep Ynñiaw Wasa yow yada ya i khyndaw i chyiap yong i na i wan tyllep ki mynder chi sngi cha ki thaw yong i.

Da kyntu chooh chooh u wym hoi u tieñ ya ka thaw chong phatok neibhah na pyrdi yong phi daw em kiwa daw maad kam kitæ ki jait kaam hawa pyrchah ya ki bor yong ka aiñ tangwa toh u tieñ ya ka um-soo wa ye u kah u rah naphang ya ka jaitbru yong i ha iwon iwon i por neibhah ka aiñ yong ka sorkar ym em skem bha ko u yada ya ka jaitbru, ki tre ri yong i.

Da ong u leh khamtam cha kani ka thaw wa em kini ki mar pohkhyndaw wym hoi u elaad ya kiwi wow tih mynkna ki ya ki mar pohkhyndaw yong i neibhah man da lut kini ki mar pohkhyndaw wa em hapoh kani ka thaaiñ yong i, kini kiwa wan na baar daw lai liwan ki cha ka chnong ka thaw yong ki katwa i ki tre ri ym em thaw i wow lai i cha kiwi ki thaw lait na i thaw yong i. Na itæ i daw lada elaad ya ki Company waphær waphær wow tih mar pohkhyndaw daw sepai lut kini ki loom ki wah waroh, ki pateiñ wa daw wan daw saja ki ha waroh ki liang ha ka umbaam umdih, ha thaw rep thaw riang.

Hawa yatoh wa ka wah Lukha da ong u leh toh u ekti cha ki khon khynroo ka ri wow ri u syndong u pait ya ka ymtoh cha ki Company lane cha ki bor yong ka sorkar neibhah ka bor sorkar ym bna ko u pait ya i chah ktah yong ki wah, wei ka sorkar ka ym dooh ko ya i yarap poisa tyngka na ki Company wa heh wa heh.

Da pynkut khaddooh u SK Blah deiwa ong lada phi chet kylla phi ya ka seiñ pynyoo wa da chet kylla phi leh ya ka jaitbru ym yaphær phi na kitæ kiwa iñkaw thnga lane kiwa dai ri.

Ya kani ka yalang da pynlai da u Julius Nongtdu, President HNYF East Jaiñtia Zone.

Kiwa kitkaam yong ka Narpuh Circle man ki kamni ha wah:

  1. President: Roseterwell Syih
  2. General Secretary: Freedom Paslein
  3. Finance Secretary: Complyson Secretary
  4. Organizing Secretary: Fredrick Suchen
  5. Publicity Secretary: Mewan Syih
  6. Office Secretary: Rechand Suchen
  7. Education Secretary: Rihok Rymbai
  8. Sports Secretary: Aamion Ryngksai wa 20 ngut ki dkhot.
Share this:
Previous

Khlaad uwi hei ya tyrrah kari ha 6th Mile

Next

Khlaad 6 ngut wei mynsoo kiwa boon ha i khih khmi ha Croatia