Uwi wa tih mooyong da dooh u yei mynsien katwa uwi won da mynsoo u ha iwi i krem mooyong ha chnong Urak wa em hajan Goreng wa dang haap hapoh ka Shallang Police Station ka West Khasi Hills District iwa da jia ynnin i miet ka 18 tarik.
Ya ini da pyntikna leh da ki pulit wa em ini wa jia heiwa da ye wow sai ya kini napoh kani ka krem mooyong.
Katkam ka khubor wa da yoh uwa khlaad toh u Lependro Sangma (34 snem) uwa na ka chnong Uguri (Goraiman), i chnong wa dang haap hapoh ka Kharkutta Police Station, uwa mynsoo toh u Hendid Momin (33 snem) uwa na ka jooh hi ka chnong.
Neiliang u MDC ka Kharkutta, u Cherak W Momin da ong u wa ka Liang Pyrchah man-i-por da pynsñiaw ko yei tih mooyong pyrchah ya ka aiñ tangwa ka sorkar won da kyntait bait ko yeini tangwa kiwa da jia hi da pynyoo ko yei sakhiat yeini i len ka sorkar.
