theme-sticky-logo-alt
theme-logo-alt

Toh u em i mynsien sñiawthooh yei chitom ki paidbah kam ki sahep sorkar: DP Wahlang

Advertisement ad1

Ka Annual Conference ka Meghalaya Civil Services Officers’ Association (MCSOA) 2022 da pynman ya ka ynne ha State Convention Centre, Shillong heiwa u Chief Secretary ka jylla, u DP Wahlang da man u kam u kongsan.

U DP Wahlang hawa e yei klam da klam u chaphang i emkaam yei pynpliah yei sap kreh nadooh ki sahep wa dang khian kamjooh kiwa da heh khamtam ha kani ka juk wa katni ka juk Digital Age. Da ban joor u leh yei emkaam ya ki sahep sorkar wow em ki yei sñiaw wei wow ye u sñiawthooh yei chem chitom ki paidbah hawa wan ki chakhmat wow khana yei eh i khoo wa maad ki wei wow pynbait yeiwa eh ki deiwa em i mynsien wa maya wei deiwa sñiawthooh wei heijooh i por wow sñiawngooh ya ka kyrdan wa ksoh ki wei i kaamram yong ki wow yarap pynbait yeiwa chem chitom ki paidbah.

Advertisement ad1

U Wahlang da pynchlur u leh wa ym toh u tieñ boi ym mankaam iwa leh neibhah i wym poi cha ka thong toh iwa jia hawa man kam ki sahep sorkar kamtæ ym toh u dooh mynsien wei wow lai chakhmat deiwa chim ya ki rai wa ktah ya ki paidbah deiwa bha.

U Chief Secretary da kdaw u leh yei emkaam ya ki sahep wa dang khian u tip ki kammon u pynlang ya ka poisa yow suk ki manda chong ngiah ki. Da pynchlur u leh yow man kiwa im deiwa chait wa khiah neibhah waroh tip i wa i chait i khiah toh iwa emkaam bha.

Kiwi de kiwa klam toh u Dr. Vijay Kumar, Commissioner of Division ka Garo Hills, u CVD Diengdoh, Secretary Personnel wa AR Department. Ha kani ka Conference da em leh i chimbynta lang ki sahep Meghalaya Civil Services Officers na kylleiñ ka jylla.

Share this:
Previous

Da chem ya ka Aadhaar Card deilang wa ka Debit Card na Iawpynsiñ

Next

Khlaad uwi wei mynsoo uwi wa tih mooyong ha West Khasi