Da ka- Lewaka Nanghuloo, Loomkyrwiang, Jowai
Kiang Nangbah Khlawait ka Ri Pnar,
Kylleiñ soodong i naam da paar,
Khlawait ka Ri wa khroo,
Yanom ha i u Sah kynmoo.
Yieñ mi hei hok ya ka ri u pyn’im,
Yieñ mi da ka ñia wa ka nongrim,
Tang wow suk ka pateiñ ki khon ka Ri,
Dei jingim bynda mi ha’u tylle pasi.
30 tarik Kmaichonglad sahkynmoo ha i,
Pateiñ wa da lai hadooh katni.
Im i pyrtuid sah i naam mi,
Khon wa khroo Khlawait ka Ri.
