Ka Khun Hynniewtrep National Awakening Movement (KHNAM) da pynbaad ko wa em i wym khooid wei i leh chiliang hei thung kreh neibynta ki Peon wa kiwa kreh Casual ha Meghalaya Secretariat, wei da dawa wow pynbait yeini.
Yeini da ong da uwa yahkhmat ka KHNAM, u Thomas Passah hadien wa yachem wa u Chief Secretary ka jylla. Heiwa hawa yaklam wa kiwa thoh khubor da ong u wa ki kyndon thung kreh ym em da bood ki katkam wa toh u leh.
Da kdaw u leh wa em 31 tylli ki Regular Post wa 238 tylli ki Casual, wei i kreh Peon toh iwa da thung khlem da bood kyndon wei khlem da man iwa khooid. Katkam wa ong u Thomas, i thung kreh da leh khlem da bood thij ya ki kyndon wa da booh.
Da pynbaad u leh wa em i leh chiliang heiyatoh wa kiwa man kam ki Casual heiwa em kiwa da chah ma chah thung kreh katwa kitu kiwa da kreh da slem da chah pynyang ki charood wei hadien wa em kiwa kreh kiwa da pynman yei yakhih pyrchah, da chah beh kreh ki.
Ka KHNAM da ong ko kini kiwa kreh toh u em ki hapoh ka Regular Casual Worker Scheme, 1996, tangwa ym em yoh ki yeini i tipmit.
Chooh chooh da pynbaad u leh wa em ki spah ngut kiwa kreh mylla sngi kiwa da thung khlem da pynmih ya ka Advertisement næ i pynsakhiat iwa pynyoo wym em khooid ini i thung kreh. Da kam u leh wa i jied ya kiwa kreh toh katkam i mon kitu kiwa em hei bor.
Kamtæ ka KHNAM da khut ko wow pynsangeh chisiendon yei khut kreh neibhah lym leh yeini deiwa khooid daw pyndooh yei chaniah ki paidbah ha ka sorkar.
Discussion about this post