Khlem ki kot ki sla e Connection ka MeECL 100 tylli ha Them Metor, kammon yoh bordiñ waroh 342 yung: Rani

U Disparsing Rani uwa paan yutip RTI hajrong i em ki bru ha Them Metor kiwa yoh u pynemkaam bordiñ, da chem u wa ka Meghalaya Energy Corporation Limited (MeECL) da pynpoi bordiñ cha ki 100 tylli ki manyung khlem biang ki kot ki sla næ ki No Objection Certificate (NoC) na ka Shillong Municipal Board wei na ka yung krehkaam u Syiem ka Hima Mylliem.

Hawa klam wa kiwa pathai khubor, u Rani da ong u wa kamwa mih che wa ki bru wa sah ha Them Metor ym em ki ya ki kot ki sla wow sah ha ini i thaw, deiwa pynrap yeiwa phylla wa ha Them Metor kamwa man em 342 tylli ki manyung, wei lada du 100 tylli ki manyung ka MeECL e bordiñ ko, kiwi won kammon yoh bordiñ ki?

Advertisement

---

Ha iwi i liang u Rani da ong u wa ya ini i thaw da ekti da u Syiem ka Hima Mylliem cha ka Shillong Municipal Board lyngba ka soskular, ka Hima Mylliem ye ko wow knieh noh ya ini i thaw lada ki bru ha Them Metor tyngkheiñ ki ya ki kyndon wa da yakut.

Advertisement

---