Haka 28 tarik uni u bnai, ki dkhot ka wa kiwa yahkhmat yong ka Hynniewtrep Achik National Movement (HANM), hadien wa yoh ki ya i ujor na kiwa chong chnong yong ka chnong Nartiang, da hiar ki cha ka wah Myntang kawa em markhap ka chnong Nongjngi wa ka chnong Modop wei da chem ki wa u Sniawbhalang, MLA Nartiang da khloh moo u wa em ha katai ka wah wei da booh u leh ya kawi ka thaw yow tylliat moo da ka kor harood yong kani ka wah.
Ka seiñ da ong ko wa ini da pynsih ko yaka wah kawa ki bru kamai jakpoh ki na kani ka wah lyngba ki dakha wa ki doh um wa em haka wei ki bru leh jooh taan um ki lyngba kani ka wah wei i leh uni u MLA da pynsih ko hadooh kattæ kattæ ya kiwa chong chnong yong kani ka thaaiñ.
Kamtæ neilaing kiwa yahkhmat ka HANM daw lai rah ki da i ujor pyrchah ya uni u MLA hakhmat ki bor District khnang wow ye u pynneh pynsah ya i khooid wa i miat yong kani ka wah da ong uwa yahkhamt ka HANM u Ency Shadap, President, JHD.
Discussion about this post