15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Khnium kiwa sikai wa da pyndep yaka puræ Graduate wow yaleh yaka Improvement Exam Class XII

0 Comments
Advertisement ad1

Shillong: Kiwa sikai na ki skur (Govt/Govt Aided/Adhoc/SSA/Private) waphær waphær yong ka jylla Meghalaya kiwa yakhun ya ka D.EL.ED Online na ka National Institute of Open Schooling (NIOS) daw lai yachem ki wa u Montri Rangbah ka jylla u Conrad K. Sangma wa ya u Montri ka chnat puræ puthi u Lahkmen Rymbui neibynta wow kyrpaad wa ki u tuklar lang ki yaka Result yong ka NIOS wa ki da chah thoh ki Not Certified (NC) na i daw wa ki ym em yoh ki ya ka 45% ha ka Class XII hanlada ki da pyndep ki ya ka kyrdan puræ Graduation/Master Degree kamjooh leh ya kiwa sikai kiwa da psiah rap slem ha ka kaam sikai skur chwa wow pynmih ya ka pynbna (Notification) na ka NCTE ha ka 23 tarik, u Naisaphra (Aug), 2010 heiwa boon kiwa sikai toh kiwa da heh rta.

Heiyatoh wa ini i eh, palat san spah ngut kiwa sikai kiwa yakhun ya ka D.El.Ed da poi ki cha ka yalang wa da khut pynman da ka Meghalaya SSA School Association hapoh i yahkhmat yong u General Secretary u H.M. Marbaniang ynnin ka 22 tarik ha nongbah Shillong.

Ha kani ka yalang, kiwa sikai da pynsñiaw ki yei sñiawsih neidaw wa ym yoh ki ya ki Original Marksheet wa ka Certificate lada ym pyndep chwa ki yaka Improvement Exam ha ka Class XII katkam ka kyndon yong ka NIOS.

Ha kani ka yalang da yaklam yillu hajrong i sñiawthooh bakla ya i pynbna (Notification) yong ka Meghalaya Board of School Education (MBoSE) No. MBOSE/HSSLC/EX-107/PST/2014/Class XII/28195-3 dt 14/10/2014 kawa ong, ‘Kiwa da pyndep ya ka kyrdan puræ Graduate ym emkaam de wow yaleh ki yaka Improvement Exam ha kitai ki snem wa dang e laad da ka Sorkar lyngba ka MBoSE ya kiwa sikai neidaw wa ka yungkrehkaam ka SDSEO leh ki da pyntip ya kiwa sikai kiwa da pyndep ya ka kyrdan puræ Graduate ym emkaam de ya ki wow leh ki ya kani ka Exam.

Neiliang kiwa sikai da pynsñiaw ki wa ym kwah ki wow pynbaad ya kiwon kiwon tangwa da rai wow kyrpaad ya ka sorkar ha ka sngi wa daw lai yachem ki ya u Montri Rangbah ka jylla wa ya u Montri ka chnat puræ puthi, khnang wa ka sorkar daw thooh laad ko wow pyllait ya ini i eh hanlada toh wow pynman biang yaka Exam lyngba ka MBOSE kamwa da leh ha ki snem wa da dep.

Ha iwi tawon i bynta kawa kiwa sikai da pynsñiaw ki toh wa ym kwah ki wow yaleh ya ka Improvement Exams na ka NIOS hanlada e laad lyngba ka On Demand Exam leh tangwa ki Marksheet ym man ki kiwa pura (Incomplete) hawa pait kamjooh leh man ko kawa eh chiboon ya kiwa sikai wa da heh i rta wow puræ da ki lynnong wa da pynbait da ka NIOS neidaw wa boon boon na kiwa sikai hi toh kiwa da pyndep yaka Pre-University naka skurbah North Eastern Hill University (NEHU).

Chooh chooh kiwa sikai da pynsñiaw ki wa lada ka sorkar jylla ka e laad ko lyngba ka MBoSE man ko kawa bha chiboon wow yaleh da ki lynnong kot puræ kiwa thymme neidaw pynsuk ko ya kiwa sikai wow yoh ya ki thoh wa ki kot nadooh pyn na ki khon yong ki.

“Wot hapyrdi i wym sñiawhun tangwa ym yohsa lada ym em luti chooh da kamwi won khnang wow yoh ya ki Original Marksheet wa ya ka Certificate na ka NIOS hanlada da pyndep lut ya ki Subject yong ka D.Ed.Ed,” ong kiwa sikai.

Dang em sa kamwa 1000 ngut tam kiwa kynthup sa na ri-loom Garo kiwa pynsñiaw kiwa man kiwa smat wow su yaka bai chong thoh ya ka Improvement Exams wow pynman da ka MBoSE wei da kyntu leh ya ka sorkar wow pynsmat noh ya ka pynman Exam lada kammon kammon leh ha u Khonchonglad (Nov) namo ha u Kmaichonglad (Dec) uni u snem 2019.

Advertisement ad1

0 Comments

Leave a Reply