15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Khuslai kiwa sikai ya ka mynried ka puræ puthi hapoh ka jylla wa ka ri

0 Comments
Advertisement ad1
Advertisement ad1

Shillong: Kiwa sikai ka jylla wa em hapoh ka satri ka Meghalaya College Teachers’ Association (MCTA) da pynsñiaw ki yei kyrchaan ya ka AIFUCTO kawa man ka seiñ kiwa sikai wa heh dooh hapoh ka ri heiwa ka MCTA leh man ko kam ka dkhot yong ka.

Ka President ka MCTA ka B.H. Buam da ong ko wa kiwa sikai toh kiwa burom bha ki bru tangwa kiwa chah lehbeiñ bha ha ka sorkar. Kamtæ ka seiñ leh daw pynman ko da ka Justice Day wei daw em leh ka lai paidbah wa heh bha ha Jantar Mantar, New Delhi ha ka 24 tarik uni u bnai.

Advertisement ad1
Advertisement ad1

Ki dawa ka seiñ toh wow pynkrehkaam noh ya ka 7th UGC Pay Scale ya waroh kiwa sikai nadooh ki Ad-hoc, hadooh kiwa kreh dei bor samen yong ki, u pynbiang ya ka pension, ymtoh u pynduna poisa ka sorkar ha ka mang poisa neibynta ka puræ puthi wa kiwi kiwi de.

Ka Buam da ong ko leh wa ka Education Policy wa pynmih da ka MHRD ka wa dang yang yei mynjur ka sorkar toh kawa ma bha neibhah ya ki kaam puræ puthi daw booh noh ya ka ha ki kti ki bru samen wa ki Company.

Chooh da ong ko wa lada kamni daw boon ki wow dooh laad u lai puræ puthi neibhah i thmu wow e lut ya ki thaw puræ nadooh ki skur khian hadooh ki skur heh daw pynwiar lut ko ya ki skur wa da em chwa kiwa da kreh chitom yow poi ki cha ka kyrdan wa em ki katni.

Hei yatoh waka Pension won da ong ko wa ye ka seiñ u lai da ka mukotduma yow dawa u yoh pension kiwa sikai ha ki thaw puræ yong ki bru samen neibhah katni du kiwa sikai yong ka sorkar wa yoh pension ki hanlada i kreh yong ki man i i jooh hi.

“Kamwa man kattæ ki wa sikai ha ki deficit college yoh ki du ka tulop waka Dearness Allowance kiwi kam ka “Medical Allowance” wa ka “House Rent” da pyndooh ya ki nadooh ka Pay Revision 1995 wei neiliang kiwa sikai da paan ki yow yoh biang ya kini.” Da ong ka Buam.

Da pynkut ko deiwa ong waka sorkar jylla ym em ko ki aiñ ki kyndon namo ki Service Rules wei ka tnat Directorate of Higher and Technical Education ym em pynkrehkaam ko waroh ki kyndon ka UGC Rules hadooh wa kiwa sikai kiwa dang dep yoh khon ym yoh ki ya ka chuti wa 180 wa toh u yoh ki.

 

 

Share this:
Previous

Pait chilliang khmat ka PWD hei yatoh wa ka Behdieñkhlam: President SRJ

Next

Ye ka yingkieñ Myntang u kheiñ heiwon iwon i por: JSU Mynsoo Unit