Ka Jaintia Hills Football Academy da khut Admission ko neibynta wow chah sikai yalehbol heiwa ki khynnah ye ki wow sah hapoh ka Academy kamjooh da ki wym sah (Residential and Non-Residential Students).
Ka e sikai namo ka Training daw sdang ko ha ka tayaaw wa nyngkong u July 2026.
Kiwa yalehke namo ki Player daw yohlaad ki wow chibynta ha kiwa boon ki Professional League, ki Tournament ha kylleiñ ka India yow yoh u maad ki jait yalehke waphær waphær yow man leh kiwa pliah manda hiar madan.
Kani ka Academy ym du wa e sikai yalehbol, e ko leh yei puræ puthi wa biang lyngba ki skur wa da ya krehlang hapoh ka District.
Kani man ko ka kabu ksiar ya ki khynnah kamjooh ki khynroo ka Jaiñtia Hills yow saiñdur yei sap i phong ki hei yalehbol deiwa pteiñlang ya ka puræ puthi.
Ha kani ka Academy da em ki Professional Coach kiwa da yoh yei tipmit, i lai skur, i yoh laad wow chimbynta ha ki yalehke hapoh ka jylla, hapoh ka ri wot cha baar ri wei i su leh ymtoh iwa syad deiwa yoh yeini waroh.
Kiwa kwah u tip bniah ye ki wow Phone ha kini ki Number-9862199837/7005670259.
Discussion about this post