Ka sorkar jylla da pteiñ ko wow pynsñiaw wa smat ko wow pdiang ya kiwa yahkhmat ka Hynñiewtrep National Liberation Council (HNLC) cha ka miej yaklam deiwa ong leh wym e laad ko ya kiwon kiwon ki kaam pyntieñ pynsmiej u ktah ko yei chngaaiñ ki paidbah ka jylla.
U Symbood Montri Rangbah ka jylla wa pait ya ki Kaam Pohyung (Police), u Prestone Tynsong da ong u wa neiliang ka sorkar ym e laad ko ya ki kaam pyntieñ wow ktah ya ki paidbah ka jylla, lada em næ ym em i yaklam yasuk, lada toh wa ka HNLC næ kiwon kiwon leh.
Hawa yatoh wa i klam yasuk wa ka HNLC, u Prestone da pynsñiaw u yei sñiawsih wa kiwa yahkhmat ka HNLC da pynkut pathan ki yei yaklam deiwa pynbaad wym em chaniah ki ya ka sorkar hawa khut ya ki chei yaklam wot hadien wa da yoo ki wa ka sorkar da pyndap pynbiang ko ya ki dkhot kiwa da wan wow sdang yei yaklam.
Hawa pynsñiaw yei sñiawkhia yei em ki khynroo wa yarap ya ka HNLC wow leh ya ki kaam pyntieñ deiwa booh Bomb IED ha ki thaw paidbah, u Prestone da kylli u iyi u yoh myntoi ki deiwa leh kamni? Tangwa da wanrah pathan ki yei eh neibhah manda takit daw maad ki yei chitom wei daw ktah leh ya kiwa ha-yung ha-sem ki.
U Prestone da kyntu u ya ki khynroo wym toh u chah yahbakla ki ha kam kini ki kaam pyntieñ, neibhah wym kut ko da ha kam ini i kaam neibhah ka takit da ka aiñ dang lai ko.
Hawa khut biang ya ka HNLC cha ka miej yaklam, u Prestone da ong u wa ka dwar yong ka sorkar jylla wa sorkar pyrdi dang wai ko hadooh kattæ yow pynbait yei yasuk.
Discussion about this post