Jowai: U Director ka Divine Mercy, Ladrymbai, East Jaiñtia Hills District, u Fr. Antony Colenchery, ha ka kyrwoh da ong u wa kamwa jooh pynman chisien chisnem, ka Bible Convention wa ka pynchait ya kiwa kjut wa chitom, ha uni u snem daw pynman haka Divine Mercy Retreat Centre Ladrymbai, Good Shepherd Parish, nadooh ka 27, 28 wa 29 tarik uni u bnai (December) 2019, ka wow sdang nadooh 9 waje i step wei u kut hadooh ka 4 waje janmiet.
Ka Divine Mercy Retreat Centre da khut da wer ko ya waroh wow wan cha kani ka Bible Convention yow pynchait ya kiwa kjut da u phadar Paul, uwa yalap wa uwa ngooh Blai wa paawnam yong ka Potta (Kerala) wa ka kynhun yong oo daw wan yalap ki ya i ktien ka yong u Blai wa i duwai pynchait ya kiwa kjut kiwa ha rukom, ong ka kyrwoh.
Ha kini ki sngi daw em ka kñia Mass wakhooid, i pynchait ya kiwa kjut wa Sacrament pynyasuk. Daw wai pynemburom ya kani ka Bible Convention wa i pynchiat ya kiwa kjut da u Most. Rev. Victor Lyngdoh D.D. Bishop ka Jowai Diocese, hei emlang u phadar Hilarius Lamare, Vicar General ka Jowai Diocese, u phadar Lambert Dkhar u Parish Priest ka Good Shepherd Parish Ladrymbai wa kiwi de ki phadar kiwa wan na ki Parish yong ka Jowai Diocese.
Discussion about this post