Jowai: U Director ka Divine Mercy Retreat Centre (DMRC), Ladrymbai, Jowai Diocese u Phadar Anthony Kolenchery ha i pyllait khubor u da khut u ya waroh wow wan cha ka Bible Convention wa ka pynchait ya kiwa kjut ka wow man ha ka madan Good Shepherd Parish, Ladrymbai ka wow pynman ha ka 28 hadooh ka 30 tarik uni u bnai.
Ha kani ka Bible Convention wa i pynchait ya kiwa kjut, u Phadar Mathew Naickamparambil uwa man u wa yalap wa pawnaam ha kylleiñ ka pyrthai uwa em ka sap wa i bor wa kyrpang na u Blai wow pynchait ya kiwa kjut wa chitom wa kiwa boodlang yong oo daw wan ki ha Ladrymbai wow yarap ya ki bru kiwa em ha i chitom waphær waphær lyngba i ngooh blai wa i booh kti yong ki ha kiwa chitom.
U Director yong ka Divine Mercy Retreat Centre, Ladrymbai u Phadar Anthony Kolenchery, da ong u wa ha ka Bible Convention wa ka pynchait ya kiwa kjut ha u snem 2017, lyngba i ngoohblai yong u Joseph Mario, da ki phaw ngut kiwa kjut da chait ki lyngba i ngoohblai ha ki Hospital waphær waphær kamjooh ya kiwa wan cha ka yalang pynchait kiwa da yoh i chait i khiah wa pura.
Ya kani ka Bible Convention kawa le sngi daw wan wai da u Most Rev. Victor Lyngdoh Bishop ka jylla Niam Jowai, wei daw pynkhroo chooh chooh ya ka yaroh ya u Blai daw wan rwai da ka United for Christ Prayers Group na Shillong.
Discussion about this post