December 11, 2018

Ha Jowai daw jied ya ki khynnah wa em sap yalehke Football U-10, U-12 wa U-14

Advertisement ad1

Jowai: Ka Jaiñtia Football Academy (JFA) daw pynman ko ya ka Trial namo i wow jied ya ki khynnah wa em ka sap wow yalehke Football ha ka kyrdan Under-10, Under 12 wa Under-14 neibynta ki kynthai wa chynrang ha Madan Jrisalein, Chutwakhu, Jowai.

Kani ka Trial u man ko ha ka 17 wa 18 tarik uni u bnai nadooh i por 9:00 waje i step. Kamtæ kiwon kiwon ki khynnah kiwa kwah wow chim bynta wow sñiawbha ki u pynbiang ya ki Birth Certificate wei wow rah ya jar jiar ki tiar yalehke ha kani ka sngi.

Ini toh katkam wa pyntip u General Secretary ka Jaiñtia Football Academy, u Ryum Khonglah wei ki khynnah wa chah jied daw chah hikai ki kawa da pynbait da ka Academy.