Khut ka Dorbar Ki Waheh Kur Ri Jaiñtia wow wan cha ka Executive Dorbar ha kani ka 28 tarik

Ka Dorbar Ki Waheh Kur Ri Jaiñtia e khublei Christmas ko ya phi ki dkhot ki Balang Christan ha ka jylla Meghalaya wa ka ri India chirup wa i kyrmen wa i sikai u Jisu Christ yow ya sñiawthooh, i maya ya burom para bru, u ya ryntihlang i, yow nang khlan u nang chngaaiñ dei kmen, u biang u dap i manbru longbru waroh. Kattæ yow ye i u lait lang na i chah pharia, i ya mynsoo mynsnaam ha ka jaitbru wa ka ri India waroh kawi.

Ka Dorbar ki Waheh Kur, Ri Jaiñtia kamwa pteiñ ko u yakhun yow tipmit ka aiñ 6th Schedule kamwa da pyn e bor da ka riti krehkaam ka ri India ha ka JHADC, ya ki kur ki jait na ka Bei, kiwa krehkaam wa ki Seiñ/Dorbar Kur wa kiwi kiwi tawan kiwa pynman pynim ya ka jaitbru yong i.

Related posts

Kyntu ka seiñ Hindu ya ka USA wow chimkhia yei chah thombor ha Bangladesh wa Pakistan

January 18, 2026

Kayi ka Nobel Prize? I pynche wa tbian khamtam hadien wa e kti ya ka Peace Prize cha u Trump

January 18, 2026

Kamtæ ka Dorbar Waheh Kur, Ri Jaiñtia, kyrpaad ko ya phi ki President, General Secretary, ki Waheh Kur chynrang wa kynthai waroh yow sñiawbha u pynlait por chynnam u ya wan himbynta ha ka yalang ka Executive Dorbar kawa daw man ha ka 28-12-24 (Saturday) heipor 11:00 AM (thij) ha yungwalieh ka Chilliang Raij Dorbar Chnong, Jowai.

Ki phang kiwa daw yaklam bha:

1. Ka Report krehkaam na u G.H. Bareh, General Secretary, DWK, Ri Jaiñtia, ha ki ynru bnai wa dadep.
2. Ka Report heiyatoh wa i wym yoh jubab na ka Secretary, Executive Committee JHADC, namo i wym pynkrehkaam ka EC JHADC heiyatoh wow chna aiñ yow pynpsiah ya ki Kur, kiwa krehkaam wa ki Seiñ/Dorbar Kur wa kiwi kiwi.
3. Kiwi kiwi.