15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Khut ka ICYM ya ki khynroo khyllood cha ka Convention ha Umkiang

0 Comments
Advertisement ad1

Jowai: U Director ka Indian Catholic Youths Movement (ICYM) Jowai Diocese, Rev. Phadar Manbha Pakem, ha ka kyrwoh da ong wa u snem 2020 toh u snem yong ki khynroo khyllood hapoh ka Diocese wei daw lehkmen waroh chi snem wei kam wow ya sdang wow lehkmen, da khut da wer ya waroh ki khynroo khyllood yong ka Jowai Diocese wow wan ya chimbynta ha ka Indian Catholic Youths Movement (ICYM) Convention, ka wow sdang nadooh ka 10 tarik hadooh ka 12 tarik uni u bnai ha Umkiang, Parish Umkiang, East Jaiñtia Hills District.

Ya kani ka Convention ka ICYM daw wan wai da u Kyrmen Shylla MLA, uwa man leh u montri ka sorkar Meghalaya wa pait ya ka chnat Social Welfare wa kiwi kiwi heipor 1:00 PM wei daw sdang daka sieñ chong yalang (Session), daw yoh ya i klam waiphang na ka Sister Sandaris, hajrong ka phang “YOUNG PEOPLE WITH ROOTS” heiwa daw yatai wei ya phyllu yumut wow yaklam hajrong ka phang “NGI DEI KA MYNTA JONG U BLEI” neitæ pynbood sa ki yakob Cultural Competition hapyrdi ki khynroo khyllood na ki 18 tylli ki Parish yong ka Jowai Diocese.

Ha ka 11 tarik won, ka Session daw sdang nadooh i por 9:30 AM wei ha kani ka Session daw yoh ya i klam na ka Sister Linda Dkhar hajrong ka phang “JESUS EVER YOUNG” wei ha i por 1:00 waje i sngi daw em ka ya lai Rally hapoh ka chnong Umkiang waka thoh wyrta “SAVE THE EARTH SAVE LIFE” daw yoh ya i klam hajrong ka phang da u Phadar George Shinning Lyngkhoi wei hei janmiet daw bood sa ka Singing Competition hapyrdi ki khynroo khyllood yong ki 18 tylli ki Parish yong ka Jowai Diocese.

Katwa ha ka 12 tarik ha i por 10:00 AM daw em ka knia Mass Eucharist wa khooid da u Most Rev, Victor Lyngdoh DD, Bishop ka Jowai Diocese wei pynbood sa ka yalang ki khon khynroo khyllood yow pynkut ya kani ka Convention kawa da pynman da ka Indian Catholic Youths Movement, ka Jowai Diocese, pynkut ka kyrwoh wa phah da u Director ka ICYM, Jowai Diocese, u Phadar Manbha Pakem.

Advertisement ad1

0 Comments

Leave a Reply