Khut ka Jowai Municipal Board ya kiwa kwah u yoh myntoi na ka NAMASTE Scheme

Ka CEO ka Jowai Municipal Board da khut ko wow chim kabu ya ka NAMASTE Scheme neibynta ki bru wa pynlang jhep wa kiwa pynkhooid dooid wa kiwi ki jakhlia kam ki Septic Tank wow thap pyrtuid ki hapoh kani ka Scheme.

Kani ka National Action for Mechanized Sanitation Ecosystem (NAMASTE) toh ka Scheme ka sorkar pyrdi wa da sdang da ka Ministry of Social Justice and Empowerment deiwa ya krehlang wa ka Ministry of Housing and Urban Affairs neitæ ka Ministry of Panchayat Raj neibynta ki bru wa man kam ki ‘Waste Pickers and Sewer & Septic Tank Workers’ yow e ya ki da ki ID Card, PPE Kit, Social Security, Financial Inclusion, Health Benefits wa Skill-Upgradation Training.

Kani ka Scheme man ko leh ya kitu kiwa pynlang jhep cha luti syngkieñ, ha ki Transfer Station, ha ki thaw noh jhep wa kiwi de deilang kitu kiwa dai ya iwa da noh ki bru kam ki nar, ki tin, ki Plastic wa kiwi de ki kaam leh Recycling, kiwa pynchna ya ki tiar wa da sih wa kiwa lai thooh ya ki tiar wa da sih na ki yung ki bru.

Kiwa ye u yoh ya kani ka Scheme toh u man ki kiwa da kreh 6 bnai yei kaam wei kiwa da em 18 snem chaneiñ. Hap ki leh wow em ya ka ID kam ka Aadhaar Card, Ration Card, Voter ID Card, PAN Card, Driving License, E-Shram Card, BPL Card næ Labour Card, wei daw jied leh ya kitu kiwa dadep pynabi ya u Mobile Number wa u Aadhaar.

Related posts

Daw pyrkhat wow pynman ya ka International Film Festival ha Jowai: Conrad

May 21, 2025

Dang bichaar ka sorkar wow booh ya ka College ha East Jaiñtia Hills: Conrad

May 21, 2025

Manda em pyrtuid hapoh ka NAMASTE Scheme daw yoh ki ya ka Safety Training, ki Personal Protective Equipment (PPE) kit. Daw yoh ki leh yei myntoi lyngba ka Social Protection Schemes kam ka Ayushman Bharat Health insurance, Pre-Matric Scholarship wa E-Shram Card.

Kani ka Scheme pynchlur ko leh yow embyntalang kiwa yoh myntoi ha ka Solid Waste Management (SWM) deiwa ya krehlang ki ULBS yow yoh leh u pynemkaam ya ki Dry Waste Collection Centres (DWCCS) kiwa pynlai da ki SHG wa ki Cooperative.

U yoh yarap poisa leh lyngba ka Subsidy yow thied kari pynlang jhep deiwa khian ka sut heiwa ka ram wow e toh hadooh Rs. 5 lak.

Kitu kiwa kwah ye ki wow lai cha ka yung krehkaam ka Jowai Municipal Board kawa em ha Khimusniang hajan ka yung krehkaam ka PHE wei ye leh u Phone ha kini ki Number 9863024731/9774977922.