Ka Jaintia Youth Federation (JYF) da kyntu ko ya u Montri ka chnat puræ puthi ka jylla kamjooh ya ka sorkar jylla wa toh u chimkhia wei wow kitkhlieh hajrong i wym yoh thaw puræ kiwa boon ha ka Class-XI hapoh Ri-loom Jaiñtia.
Ka seiñ ha i lai yachem ya ka Vice-Principal KNGC Higher Secondary School, da yoh yutip wa dang em kamwa 900 ngut ki wym pu ye u yoh thaw puræ haddooh katni wei ini da wanrah ko yei kulmar wei pyndooh mynsien ya ki khynnah wa ki bei ki pa leh kamjooh kiwa da pynlut por wow kreh chitom waroh chi snem wow khreh kot wei wow pynlut leh wow thied Smartphone wa Computer yow leh ya ki Online Class ha i por wa em ka Lockdown.
Kamtæ ka seiñ da kyntu ko ya ka sorkar MDA wow pynyoh thaw puræ smat ya waroh ki khynnah hapoh ka 8 tarik uni u bnai wei lada ka sorkar ym pynyoh ko ya i thaw puræ ya waroh ki khynnah, ka seiñ ym yohsa ko wow chim da kiwi ki laad.
Ka seiñ da khut ko ya waroh ki wym pu yoh thaw puræ wow yachem wa ka seiñ ha ka yung krehkaam yong ka wa em ha Mookyrdup, Jowai nadooh ka 4 tarik uni u bnai nadooh i por 11 waje i step hadooh 4 waje i janmiet.
Ye leh wow Phone ha kini ki Number 8974753881/6009523440/9862267525.
