Khut ka New Hill ya ki tre yung tre thaw yow pynche ya ki kyndon wa hap u bood

Ka Dorbar Chnong Loomsooiung New Hill, Jowai ynne da khut pynman ko ya ka yalang yong ki tre yung wa ki tre thaw kiwa em hapoh u pood u ang yong ka chnong.

Ya ka yalang da pynlai da u Chairman, u Sunil Litting uwa da pdiang sñiawbha ya ki paralok kiwa em yung wa em thaw wei da yoh leh yei klam na u waheh chnong uwa da khana yei daw wa da khut ya kani ka yalang toh yow bood ya ki kyndon wa da pynbna da ka JHADC nadooh neibynta kiwa chong wai yow pynbiang ki kot ki sla kamjooh leh manda em kiwa wan kreh na baar wei wow pyntip chwa wow sdang ya iwon iwon i kreh yow ye ka chnong wow leh yeiwa emkaam.

Da pyntip leh chaphang ka hukum ka Jowai Municipal Board neibynta wow yabhah noh yei jhep hapyrdi ki wow pyut wa ki wym pyut (Dry & Wet Waste).

Da yoh leh yei klam na kawi ka manbei, ka Esterly Fiona Gatphoh, kawa da klam ya ka phang hajrong i bha i miat, ka chongsuk chongsaaiñ kamjooh leh yei khooid i suba.

Related posts

Yap le ngut ki khynnah nei chah riñ ha u sainar bordiñ wa haap ha khyndaw | Ar ngut kiwa chi payu

July 15, 2026

Wai ka Jowai Consumers’ Co-Operative Store ya ka yung krehkaam

July 15, 2026

Da pynkut ya ka yalang da ki kyntien khublei na u General Secretary ka chnong, u Leborki Passah.