U Secretary ka Meghalaya Human Rights Commission da pyntip u wa ka National Human Rights Commission daw pynman ko ya ka yakob chna phlim wa tbian hajrong i hok manbru wa tip kam ka 9th Annual Competition for Short Films on Human Rights kawa da jooh em boon kiwa chimbynta ha kylleiñ ka ri.
I thong kani ka yakob toh yow pynchlur wei wow tipmit leh ya kiwa stat wa kiwa em sap hei chna phlim kiwa man kam kiwa chong chnong ka ri India khlem da kheiñ yei rta yow pynchlur yow yada yei hok manbru.
Ka tarik wa khaddooh wow pdiang ya kiwa kwah u chimbynta toh ha ka 30-09-23 wei ye ki wow leh yeini deiwa phah ya ka phlim ki Onine deiwa email ha [email protected] heiwa ya ka phlim ye wow pyndait ka hapoh ka Google Drive Folder.
Ka song poisa ya kiwa yoh nyngkong toh T. 2 lak, kiwa yoh wa ar T. 1 lak katwa kiwa yoh wa le won T. 50,000. Ka Commission najrong kini ki song poisa daw e ko leh ya ki Certificate ki Trophy wei ye leh wow yoh ya ka Certificate of Special Mention kawa daw wan lang waka song poisa kawa T. 50,000 lada rai kiwa bichaar (Jury) wow leh yeini.
Kini ki phlim wa tbian ye ki wow man ha kiwon kiwon ki ktien wa klam hapoh ka ri tangwa emkaam wow emlang wa ki Subtitles hei ktien English næ Hindi.
Kini ki phlim ymtoh u duna ki 3 minit wei ymtoh u palat ki 10 minit.
Ki kyndon kani ka yakob ye wow yoh naka NHRC website: www.nhrc.nic.in wei ye leh wow lai ha kani ka link https://nhrc.nic.in/document/nhrcs-short-film-competition-%E2%80%93-2023.
Discussion about this post