15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Khut ka sorkar ya kiwa kwah wow thooh bniah ya ki jait Policy wow pynkrehkaam

Advertisement ad1
Advertisement ad1
Advertisement ad1

Ka sorkar Meghalaya deiwa ya krehlang wa ka Indian School of Business (ISB) kam chibynta wow wanrah ya ki thong krehkaam ka sorkar namo ki Policy kiwa dei thooh bniah chwa ki wow pynkrehkaam hapoh ka jylla Meghalaya. Da sdang da ka Meghalaya Legislative Research Fellowship (MLRF), deiwa krehlang leh wa ka Bharti Institute of Public Policy kawa em hapoh ka ISB yow yarap wow pynman yei puræ bniah neibynta kiwa mihkhmat ka Legislative Assembly.

Kani leh da man ko kawa nyngkong dooh kam kani hapoh ka ri wei daw e laad kreh ko leh ya ki khynroo khyllood kiwa em sap ha kini ki jait kaam.

Advertisement ad1
Advertisement ad1

Ya kani da sdang neidaw wa ha kini ki por ki ri ka pyrthai da chem chitom ki wow wanrah ya ki Policy neidaw wa em ka khlam. Ha India, ka sorkar Meghalaya da ya ksohkti lang ko wa ki bru wa chemphang yow pynbiang ya ki MLA da ki sabut hajrong kiwa boon ki kaam wa khia.

Neibynta ini, ka Meghalaya Institute of Governance (MIG), kawa man ka chnat krekaam ka MLRF, daw jied ko ya ki 12 ngut ki wow man kam ki Legislative Fellows wa 2 ngut kam ki Data Fellows na Meghalaya, neibynta i chi snem. Kini kiwa chah jied daw chah sikai ki 2 snem da ka Bharti Institute Public Policy. Daw yoh ki leh ya ka tulop wa T. 40,000 chi bnai, ka bai yung wai wa kiwi kiwi de.

Hapoh ka Meghalaya Legislative Research Fellowship (MLRF), kiwa chah jied daw yakreh jan bha ki wa ki MLA wa da jied wa kamjooh ki chnat sorkar yow e yutip ki hadien wa da dep pynman yei thooh bniah kamjooh kiwi ki kaam kiwa da em chwa i thrang wow pynkrehkaam da ka sorkar.

Kiwa kwah wow yaleh ya ini i kaam toh u leh ki chwa wow kut uni u Naikhynde, 2021 deiwa khniooñ heini ha wah:

https://form.jotform.com/212453231606446

Ya ka yutip wa bniah ye wow thoh cha u Dr Aarushi Jain ha [email protected] / [email protected] lane deiwa lai ha kani ka link ha wah:

https://www.isb.edu/en/research-thought-leadership/research-centres-institutes/bharti-institute-of-public-policy/Apply-Online/MIG-ISB-Fellowship.html

Share this:
Previous

Kynthup lang ka sorkar ya ka bai sumaar lamieñ, chkoor, dohnood ya ki wakreh sorkar

Next

Palat T. 2 klur da su ka sorkar cha kiwa hayung wa khlaad na u COVID-19