Ka MY Bharat wa em hapoh ka Ministry of Youth Affairs and Sports ka sorkar India da khut ko ya ki khynroo ka ri wow man kam ki MY Bharat Civil Defence Volunteers. Wei kani man ko neibynta ka ri waroh kawi yow pynkupbor ya ki khynroo khyllood yow chim ki yei kaamram neibynta ka ri khamtam heipor wa em iwa jia wa emkaam jhan.
Ya kini ki Volunteer daw e Training ya ki kammon u leh manda jia chlai um, u khmi wa kiwi de kamjooh lada jia em iwa mynsoo ki bru kam ha i ya tyrrah kari, i emkaam jhan ki paidbah wa kiwi de kiwa jia khlem dapoi pyrkhat.
Yeini da emkaam wow leh khamtam ha ini i por wa em i maa ya ka ri deiwa em kiwa chong chnong kiwa da pynkhreh kiwa dadep chah sikai yow e yarap smat wei deiwa em kam kini ki Civil Defence Volunteer daw yarap ki leh ya ki bor sorkar wow e yarap ki ha kiwa boon jait nadooh wow lai pynlait ya kiwa mynsoo kamjooh wow e sumaar First Aid, u pynlai kari, u pynbait yei lai i wan ki paidbah deilang wow yarap ya ki bru sorkar ha kiwa boon jait ki kaam.
Kamtæ i em kiwa chong chnong kiwa da yoh Training toh iwa emkaam bha kattæ wei ka MY Bharat da booh ko da ka thong yow leh yeini.
Ka MY Bharat da kyntu ko ya ki khynroo khyllood wow wan chkhmat yow chim ya kani ka lyngkor deiwa Register kam ki MY Bharat Civil Defence Volunteers yow chakri ya ka ri wei da pdiang leh ya kiwa da man chwa kam ki MY Bharat Volunteer wa kamjooh leh ya kiwa dang kwah wow psiah thymme.
Yow Register ye wow lai ha ka MY Bharat website: https://mybharat.gov.in.
Discussion about this post