15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Khut ka STIEH ya waroh ki khon ka Bri U Ynñiawtrep wow pyrchah yaka Public Hearing ka Star Cement

2 Comments
Advertisement ad1
Advertisement ad1
Advertisement ad1
Advertisement ad1

Jowai: Ka seiñ Saiñdur Tipkur-Tipkha Ieng Ehrngiew Hynñiewtrep (STIEH) da pynsñiaw ko ya i pyrchah wa joor hajrong i thmu ka Star Cement wow tih moochuni wa em ha i thaw wa heh hadooh 42.051 Heactare wa em ha ka chnong Brichyrnot, Narpuh Elaka East Jaiñtia Hills District.

Ini i thmu yong ka Star Cement booh ko yaka rymaw ha i ma wa khroo bha khamtam yaka wah Lukha kawa man ka wah wa psa ja ya chiboon ki manyung kiwa dooh wa duk kiwa chong chnong ha Sonapur, Chymplong, Borsara, Kuliang, Umkiang kiwa im nei kyrkhu wa yoh ki na kani ka wah kam na ki dakha.

Advertisement ad1
Advertisement ad1

Ka seiñ da ong ko wa haki snem kiwa nachwa ka wah Lukha toh kawa khooid wa suba bha tangwa hadien wa wan kini ki Cement Factory da kylla nadooh i rong hadooh i rukom man wa iwa ye leh u sñiawthooh neiwa tba da i kti yaka um wa jnah ki kti. Chooh chooh da ong wa kamwa tip leh hajan ini i thaw thmu tih moochuni thymme ka Star Cement da em ka Narpuh Wildlife Sanctuary wa ri wa yada ya chiboon ki mrad, ki mreng, ki sim ki doh, ki dieñ ki siej tangwa lada yoh u lai chakhmat wow tih moochuni, ini i kyrkhu yong ka bei rymaw waroh u dooh i ki wei man ko leh i lehbeiñ yaka kyrkhu u Blai ya i ki bru.

Ka seiñ da pynkynmoo ko leh yaki bru lada ki waheh næ wa khian leh kiwa chah pynbiej hajrong kani ka tih moochuni wow pyrkhat sani bha ki ya ka pateiñ yow ye u e yaki khon ki ksu yong ki mynstep man kawi yaka rymaw wa chait wa khiah.

Ka seiñ yieñ ko hajrong ka yurim wow yada yaka jaitbru na i chah pynbiej yong ki bru wa na baar katwa kamtæ khut ko leh ya waroh ki khon ka Bri U Ynñiawtrep u wan ya ksohkti lang haka 19-10-19 wow pynyoo yei pyrchah yaka Public Hearing yong ka Star Cement wow paan bor wow tih moochuni ha Brichyrnot.

Advertisement ad1
Advertisement ad1

2 Comments

  • October 17, 2019 at 5:40 pm
    Mykhel

    Ari!!ari!! da iap,rap i,

    Reply
  • October 18, 2019 at 4:00 am
    Barris M

    Limestone is a natural source of calcium, important for both the soil and plants.. For many generations, the farmers of that region are blessed, when rain water dissolved the limestone.. Nature promises us a thousand years of hope, it’s up to us to realise, how many years we can make it last.. 👽

    Reply

Leave a Reply