U District Magistrate ka West Garo Hills, u Vibhor Aggarwal da khut u wa ki chipai ka Indian Army wow pynman yei uiñ sonteri namo ka Flag March ha ki chnong ka thaaiñ thor (Plain Belt) wa mih i awri nei pyrchah ya ki Non‑Tribal wow chimbynta ha ka Election MDC cha Garo Hills Autonomous District Council (GHADC).
Ha ka chithi cha u Commanding Officer ka 101 Area, Eastern Command, u Aggarwal da kyrpaad u yei yarap na ka Indian Army wow pynman ya ka Flag March ha ki thaaiñ Plain Belt ka West Garo Hills District hadien wa mih i awri awra ha ka thaaiñ.
Da ong u wa i pyrchah ya ki Non‑tribal na ka Election GHADC da ktah i yei suk i saaiñ hapyrdi ki ar liang.
Chooh chooh da ong u wa i em ki Indian Army daw wanrah i yei chngaaiñ wei chaniah hapyrdi ki paidbah wei daw pynyoo i yeiwa da pynkhreh ka sorkar wow wanrah yei suk.
Kamwa man nadooh ynnin i awri da joor bha i heiwa da em boon tylli ki dukan wa da chah tympra wei kiwa da chah thang ha kiwa yakhih.
Discussion about this post