Ka Dorbar Chnong Nangbah, West Jaiñtia Hills District daw pynman ko ya ka E-Iadaw Rong 2024 kawa jooh man chisien chisnem kamwa da booh da seiñ u warim wajah.
Ya kani ka E-Iadaw Rong daw pynman ha kani ka 7 tarik uni u bnai September 2024 ha Madan Pyngkai ka chnong ka wow sdang nadooh 11:00 waje i step.
Ka E-Iadaw Rong toh ka niam ka rukom kawa da booh da u manchwa longchwa ha i por chwa wow hiar cha ki hali hator wow pynlum ya u kba u khoo.
Kamtæ ka Dorbar Chnong Nangbah da khut sñiawbha ko ya waroh ki khon ki hajar yong ka Bri u Ynñiawtrep Ynñiawskum kiwa najan wa najngai, chynrang wa kynthai wow ya wan pynchongchit cha kani ka E-Iadaw Rong.
Ha kani ka E-Iadaw Rong daw yoh phi chiboon ki yalehke wa boon jait ki wow pynwyrngia ya phi.
Neiliang ka dorbar chnong da khang pyrchah ko wow dai ya waroh ki jait dih pynmuaid ha katai ka sngi kamjooh wa ya kiwa wan dei muaid. Da kyrpaad leh ya ki paidbah wow ya ksohkti lang wa ka chnong khnang wa kani ka lehkmen u man ko kawa yoo phooh yoo phieñ.
Lada jia wa chem ya kiwon kiwon kiwa leh pyrchah, ki bor chnong deilang wa ki VDP yong ka chnong daw pynchitom ko ya ki katkam ka aiñ.
Kamtæ ka dorbar chnong yooluti ko wa da i yawan yong ki paidbah daw pynchongchit wei u pynsñiawbha ya ka chnong hi waroh kawi.
Kani man ko katkam ka khubor na u S.O. Thubru, General Secretary Dorbar Chnong Nangbah.
Discussion about this post