Ka 8th Invitation Knock Football Tournament wa pynman da ka Wahiajer Sport Club da sdang ya ka ynne ha Wahiajer Sports Complex.
Da wan wow wai ya kani ka Tournament da u MLA ka Umroi, u Damanbait Lamare hei emlang u Wahah Chnong ka Wahiajer, u Sanwotki laloo, u Chairman Chnong, u Samson Lamare, u Secretary Chnong, u Andrew Sari chirup wa kiwa kitkaam ka Wahiajer Sport Club.
Ha ka yalehke wa da pynman, ka Jalapang da jop ko ya ka Synroplang FC da 2-1 kol, heiwa ya ka Jalapang da thap da u Stephan Pale ha ka minit wa 40 wa 43 katwa ya ka Synroplang da yoh thap da u Risuk Malngiang ha ka minit wa 80+7.
Yei naam Man of the Match da yoh rah da Stephan Pale kawa da saam da u Waheh Chnong ka Wahiajer.
Kam wow pynkynmoo wa kiwa jop yei naam Champion ha kani ka lympung u yoh ki Rs. 2,30,000 katwa kiwa rem won Rs. 1,20,000.
Ka yalehke wa bood u pynman ha kani ka 4 tarik hapyrdi ka Nangbah Mulang wa Dienchynrum heipor 2:00 waje i sngi.
Discussion about this post