Jowai : Ka HYC (WJC) ka wi na ki seiñ kawa pait neibynta i bha i miat yong ka imlang sahlang da pyntip wa daw pynman ko ya ka Leadership Training namo kammon u man kiwa yahkhmat ya kiwa boon deiwa biang.
Kani ka Leadership Training toh da pynman kam chibynta wow kynmoo warom ya ka lyngkhooh sngi yap wa 154 U Woh Kiang Nangbah uwi na ki bru wa khroo yong ka jait bru yong Pnar.
Ya kani ka Leadership Training daw pynman hapoh ka ophis ka Winner’s Mind Foundation wa em ha New Hill, Jowai ha ka 30 tarik uni u bnai heipor 10 waje i step.
Neiliang ka seiñ da khut lang ko ya waroh ki seiñ bhalang, ki manbei manpa khamtam ya ki khynroo khyllood yow ya wan chim bynta cha kani ka program.
Kani toh katkam ka khubor wa da phah da u President ka seiñ u Damanleki Lathong.
Discussion about this post