15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Pyndam u DC ka WJH ya ka license ka Fair Price Shop ha Barato-A

0 Comments

Jowai : U DC ka West Jaiñtia Hills wa da pyntip u wa da pyndam noh ya ka License yong ka wi ka dukan Fair Price Shop wa em ha Barato-A.

Yeini da leh hadien wa yoh ujor u DC wa ka wi ka dukan wa em ha Barato da dai ki ya u khoo rachon (NFSA) hei dor wa T. 12 chi kilo iwa dai syad hadooh T. 9 na i dor wa booh da ka sorkar.

Advertisement ad1

U DC da pyntip u wa da yoh ya ka ujor ha WhatsApp na uwi u bru u wym em pynmih pyrtuid neidaw wa tieñ u ya chah leh beiñ u ha ka chnong. U DC leh da ong u wa neiliang ki bor sorkar da pynkynmoo ki na i por cha ki por wa ym hoi u dai syad ya u khoo wa i chini tangwa ini i dukan da chim ko ya i rai wow dai syad ya u khoo deiwa yoh bor na ka Dorbar Chnong.

Heipor wa takit yeini waroh, u Waheh Chnong da len u yeini waroh wei kwah u wow tip ya u bru wa ujor pyrchah ya kani ka dukan. Neiliang u tre dukan won da phla u wa dai syad u ya u khoo deiwa tiplang ka Dorbar Chnong. Kamtæ ya ka Fair Price Shop License yong u tre dukan da pyndam ya ka wei kani man ko leh ka sien wa nyngkong wa da leh kamni hapoh ka district.

Da maham leh ya u Waheh Chnong wa ym hoi de u myllien yeini wei da phah leh ya oo wow thooh bru u wow yoh u e License thymme ya ka dukan Fair Price Shop.

Hapoh ka aiñ National Food Security Act 2013 da pynkit ha ki Dorbar Chnong yow pyntikna wa ki dor wa da booh da ka sorkar ym chim kabu ki tre dukan ya ki.

Previous
Next

0 Comments

Leave a Reply