Khut sñiawbha ka Khynroo Khyllood Seiñ Raij Chnong Tuber Kmaishnong cha ka Lympung ki Khynroo Khyllood Seiñ Kyntu Seiñ Raij 12-Daloi

Ka Khynroo Khyllood Seiñ Raij Chnong Tuber Kmaishnong (Raij Tuber) da pdiang sñiawbha ko ya phi cha ka Lympung wa 4 yong ki Khynroo Khyllood Seiñ Kyntu Seiñ Raij 12-Daloi wa daw pynman ha ka 20 wa 21 tarik uni u Kmaichonglad (Dec), 2025 ha madan Biar (Aitnar) Tuber Kmaishnong East Jaiñtia Hills.

Lyngba kani ka Wyrta, ka Khynroo Khyllood Seiñ Raij Chnong Tuber Kmaishnong khut wer ko ya phi waroh ki khon ka Ri Khad-Ar Dolloi 30 Syiem nadooh ki Raij, ki Seiñ Raij Chnong waphær waphær wow sñiawbha u wan chimbynta chitrhem ha kani ka Lympung khnang yow man ka Lympung kawa phooh wa phieñ.

“Ngait skem i wa i wan sakhilang yong phi ha kani ka Lympung pynyoo ko yei dak yatylli ki khon Ka Bri U Ynñiaw Trep Ynñiaw Skum kamjooh leh u pynman ko ya ka lympung kawa phooh wa phieñ wei kawa jop,” pynkut ka Wyrta na ka Khynroo Khyllood Seiñ Raij Chnong Tuber Kmaishnong.