Khut sñiawbha ka Raij Tuber ya waroh cha ka Behdieñklam yong ka

Jowai: Ka Behdieñkhlam ka Raij Tuber kawa jooh pynman ha uni u bnai man u snem, ha uni u snem u sdang ko nadooh 19 tarik wei u pynkut ya ka ha ka 22 tarik uni u bnai ha Biar Tuber Kmai Shnong.

Ki chnong wa ki dong hapoh ka Raij Tuber, i pynkhreh yong ki da lai i chait chait wei ha uni u snem daw pynpoi kamwa 65 tylli ki Rong, kamtæ ki khon ka Raij Tuber da boon kaam ki wow chna rong, ka pynkhooid ya ki dong ki chnat, ki luti syngkeiñ wa ki yung ki sem.

U Langdoh Raij deilang wa ki Wasan leh da boon kaam ki wow pyndep ya ka knia ka e ngooh Blai ya uwa booh wa thaw wa ya u Syiem Ryngkaw u Syiem chi Raij chi Thaw yow yoh i kyrkhu ki khon ki hajar ka Raij Tuber.

Related posts

Mih deilang chynrang wa kynthai ha ka sngi Musiang ka Lehniam Behdieñkhlam 2026 ka Seiñ Raij Mukhla

August 25, 2026

Dei lai thooh lai daiñ ya ki Dieñkhlam ha ka sngi wa ar ka Behdieñkhlam ka Seiñ Raij Mukhla

August 24, 2026

Ya kani ka Behdieñkhlam ha uni u snem daw wan sakhi da u montri rangbah ka jylla, u MLA ka thaaiñ u Kyrmen Shylla wa kiwi kiwi ki heh ki hain.

Kamtæ da khut sñiawbha leh ya ki paidbah ka bri u Ynñiawtrep Ynñiawskum chynrang wa kynthai yow wan sakhi lang ya kani ka Behdieñkhlam kawa man leh kawa heh dooh.