Ka Seiñ Raij Muthlong da khut sñiawbha ko ya phi waroh ki lok ki jor, ki kha ki man, ki kur ki jait wa em hapoh ka jylla kamjooh kiwa cha baar jylla cha ka Behdieñkhlam Festival 2026 kawa daw pynman nadooh ka 2 tarik wa 3 tarik August, 2026 ha Seiñ Raij Muthlong, Thadmuthlong, West Jaiñtia Hills District.
Ha ka 2 tarik daw em ka Chaad Talawiar Chnong (wow lai e ngooh e dem ha man la ki Unit Club) heiwa u sdang nadooh 11:00 waje i step ha Syiem Biar Nohrong wei ha ka 3 tarik nadooh dang step daw pyndep ya ka Kñia Khlam da u Wasan (Chutia) wei heipor 1:00 waje i sngi daw poi ki rong ki rup wa da chna kut ki Unit Club wa ki chnat Seiñ Raij wa haap hapoh ka Seiñ Raij Muthlong weiwa chwa u hiar ha Syiem Biar Nohrong daw em chwa ka ngooh ka dem na ki Wasan (Sangot) wa ki chnat Seiñ Raij.
Ha kani ka sngi leh daw wan sakhilang u Sanbor Shullai, u Minister of Arts And Culture Department wa u MLA ka thaaiñ, u Comingone Ymbon wa kiwi kiwi ki sahep na ki chnat sorkar waphær waphær.
Ka Seiñ Raij Muthlong da khut sñiawbha ko ya phi cha kani ka Behdieñkhlam 2026 deiwa wan sakhilang phi yow man ko kawa phooh wa phieñ.
Chooh chooh ka Seiñ Raij Muthlong da khang ko leh ya kiwa chong dai dukan wym hoi u dai ya ki jait kynja pynmuaid ha katai ka sngi wei da kyrpaad ya kiwa chong dai dukan wow man kiwa krehlang chirup wa kiwa pynlai ha katai ka sngi neibhah da em ki thaw wa ka Seiñ Raij da booh ko ya ki thaw dai.
Ini toh i pyntip na u General Secretary ka Seiñ Raij Muthlong, u Wanteimi Ymbon wei ya ka yutip wa bñiah ye u Phone ha u Number 6374976217.
Discussion about this post