August 31, 2022
Advertisement
Ka Seiñraij Jalaphet Brisumer daw pynman ko ya ka leh niam E Yadaw Rong kawa jooh pynman man-u-snem wei ha uni u snem daw pynman haka 19 tarik u Naikhynde 2022.
Kani ka E Yadaw Rong toh kawa sdang nadooh ki por warim wajah wei da pynneh pynsah hadooh kini ki sngi.
Advertisement
Kani ka E Yadaw Masi kawa khut E Yadaw Rong man ko ka riti dustur ki jaitbru Pnar kawa da pynman hachwa u pynlum pynlang ya u kba na ki hali hator.
Neiliang ka Seiñraij Jalaphet Brisumer lyngba u General Secretary, u W. Chyrmang da ong wa kam i dak wow pynneh pynsah ya ka riti dustur da pynman biang ya ka E Yadaw Rong ha uni u snem, kamtæ da khut da wer ya phi ki lok ki jor kiwa najan na jngai u wan sakhi lang ya kani ka E Yadaw Rong ka Seiñraij Jalaphet Brisumer.
