Ka Wapungskur Sports & Social Welfare Organisation (WSSWO) da khut ko ya phi ki paidbah cha ka yalang wai pyrda ya ka 30th Gold Cup Knockout Football Tournament 2024 kawa daw pynman ha kani ka 5 tarik ha madan ka WSSWO wa em ha Wapungskur, East Jaiñtia Hills.
Ha ka yalehke sdang daw pynman hapyrdi ka Ryntih FC ka Club wa yalehke ha Shillong Premier League pyrchah ya ka Rymbai Skhenshynriah SC.
Ka yalang wai pyrda u sdang heipor 1:00 waje i sngi iwa daw leh da u Kyrmen Shylla, MLA ka thaaiñ uwa man leh kam u Montri sorkar kam u kongsan deiwa emlang u Lasky Rymbai, Deputy CEM wa u Finelyness Bareh, Executive Member JHADC kam ki symbood kongsan.
Kam wow pynkynmoo wa ha uni u snem kiwa jop ya ka Final daw yoh ki ya ka song poisa kawa Rs. 5 lak wa chiteiñ tola i ksiar deilang waka Trophy katwa kiwa rem Final won u yoh ki Rs. 3 lak deilang waka Trophy
Ka kyrwoh khubor na u President ka WSSWO, u Shwari Ryngkhlem.
Discussion about this post