U Ambassador ka USA cha India, u Sergio Gor da pyntip u wa u President Donald Trump lyngba ka chithi da khut sñiawbha u ya u Prime Minister Narendra Modi wow embynta ha ka Gaza Board of Peace.
Ya kani ka chithi u Sergio Gor da booh u ka leh ha Social Media.
Da ong u wa kani ka Board of Peace toh wow wanrah yei chongsuk yanom ha Gaza ka wow kyrchaan ya ka sorkar khnang wow ye u wanrah yei chongsuk wa i roi i paar ha ka thaaiñ Middle East.
Ha ka chithi, u Trump da ong u wa kani ka kaam u man ko ka wow sah parom yanom kam chibynta wow wanrah yei yatylli wei chongsuk ha Middle East.
Kani ka chithi wa da thoh ha ka 16 tarik uni u bnai, da kdaw ya ka 29 tarik u September 2025 heiwa da pynbna ya ka thong krehkaam wow pynkut ya ka thma ha Gaza.
U Trump da thoh u leh wa da toh i por wow pynkrehkaam ya kani ka thong khnang wow man ko kawa sakhiat.
Discussion about this post