Ki bor pynlai ka Kaziranga National Park kawa em ha Assam, ynnin da chem ki yei metyap ka khla Royal Bengal Tiger na Kathpora kawa em hapoh u pood ka Park.
Da suba wa kani ka khla da yap ko nei yachoh para khla hapoh ka Park wei wa kani da em le tylli ki khla wa da yap ha ki san bnai wa dadep.
Ya kani ka khla da chem ynnin i janmiet heipor kamwa 4:00 waje na Kathpora, Western Range Bagori wei da chna leh ya ka Committee wow pyndep ya ka Post Mortem katkam ka SOP ka National Tiger Conservation Authority, da ong ki heh ka chnat Forest ka Assam.
Ha ka 3 tarik u January 2026, da chem wa yap kawi ka khla Royal Bengal Tiger ha Kaziranga National Park wei kani leh da yap ko nei yachoh.
Sa iwi i metyap ka khla da chem ha ka 2 tarik u August 2025 na Kaziranga.
Discussion about this post