Jowai: U Deputy Commissioner (Supply) West Jaiñtia Hills District da khut u ya ki Co-operative Society, ki NGO, Self Help Groups yow yaleh wow man kam kiwa jied ka sorkar yow saam rachon (PDS) neibynta u snem 2021 ha ki Wholesale Centres ha Jowai (9 tylli), Ummulong (2 tylli), Nartiang (3 tylli), Shangpung (4 tylli) wa ha Sahsniang (1).
Yaki Form ye wow yoh na u Deputy Commissioner (Supply) wei ka tarik wa khaddooh wow pynpoi yaki Form kiwa da dep pyndap deilang wa ki kot ki sla wa emkaam toh ha namo chwa ka 05-11-2020.
Ki kot ki sla kiwa hap wow e lang toh ka Court Stamp Fee Rs. 25, 3 tylli ki Passport Size Photo, ka Bank Guarantee wa Rs. 1 lak neibynta ki bru ri-loom (Tribal) katwa Rs. 2 lak neibynta ki Non Tribal kawa toh u e haka Non-Judicial Stamp Paper wa Rs.10, ki kot ki sla kiwa da soi lang ki waheh chnong heiyatoh i em Godown, i dur ka Godown, ka Trading License yaki Non- tribal, Sale Tax Clearance Certificate, Schedule Tribe Certificate, ka Residential Certificate na u waheh chnong wa ka Certificate wa tip yaka IT wei wa em Internet.
