Shillong: U Lamphang ka yung dorbar Meghalaya Legislative Assembly, u Metbah Lyngdoh ynne ka sngi da khut u ya ka yalang wa ar yong waroh ki MLA ka jylla wow phyllu kammon wow pynjanai yei rukom krehkaam hei wow yakhun ya ka khlam u COVID-19 ha ka jylla.
Hawa yaklam wa kiwa pathai khubor, u Lamphang da pyntip u wa ka yalang da man ko kawa jop heiwa da yoh yei e yumut na waroh arliang, deiwa ong wa neiliang ka sorkar leh da pynsñiaw ko ya ki laad wa da chim ha kani ka yakhun wei wow yada ya ka jylla na i chah ktah ha u COVID-19, deiwa pynrap leh wa waroh ki 60 ngut ki MLA daw krehlang ki da ka jooh ka thong.
U Montri Rangbah ka jylla, u Conrad K Sangma hadien wa kut ka yalang da ong u wa i thmu wa kongsan tam yong ka yalang toh wow pynyoo wa waroh ki MLA ka jylla krehlang ki ha kani ka por wa ka jylla yakhun ko wow lait na u COVID-19.
Da pyntip u leh wa ka sorkar da yoh ko chiboon ki yumut na waroh kiwa mihkhmat wei ini daw yarap i ya ka sorkar wow pynjanai chooh chooh yei kreh ha kini ki por.
Da ong u leh wa kani ka yaleh toh kawa heh, wei kawon kawon ka yumut toh ka kabu ya ka sorkar wow pynbha chooh yei krehkaam.
Discussion about this post