Ynne ka sngi ka KSU Nongtrai Unit hapoh i yahkhmat u Nowel Rapmai, President ryngkat ki dkhot ka seiñ da lai yachem ki ya u Officer In Charge ka Police Station Mawsynram u P Burma hadien wa ujor kawi ka manbei wa uwi na ki pulit langrut (Constable) kani ka thanat da klam khlem akor u ya ka deiwa ong “Armet ne laimet ruh ngin ym pyllait”.
Ini da jia i ha ka 13 tarik uni u bnai heipor wa thmu ko wow lai phah Checkup cha Shillong deiwa ryngkat ka NOC namo da yohbor na u Rangbah Shnong.
Manda poi ha Mawsynram ki pulit da ksoh ki ya ka kari wa chong kani ka manbei wa em u Number ML 05 R 7300 deiwa kam wa ym em lai ki da ka kari kawa kut ha da u “0” namo u Even Number katkam wa chah ka hukum ka sorkar lyngba ka Political Department kawa ong wa ha ka sngi Wednesday ki kari wa ye u lai toh kiwa kut da u Even Number kitæ toh 0, 2,4 ,8.
Ini i leh ki pulit da pynphylla ko wot ya u Rangbah Shnong uwa da e NOC ya kani ka manbei wei neidaw wa ym chah u lai ka kari ko, da haap wanthooh noh da kawi ka kari heiwa kani ka manbei da haap yang ko dei kynta.
Neiliang ka seiñ da kyntu ko leh ya ki bor kam u BDO wa pait ya ki chnong hapoh ka Mawsynram Block wei da kyntu leh ya ki Rangbah Shnong wow pynche paidbah ha ki chnong khnang wa ki paidbah ym kulmar ki.
Ka seiñ da kylli ko leh wa kammon kat uwa pynkrehkaam ya ki aiñ leh ymtip u ya ki hukum sorkar deiwa kyntu leh ya ki bor ka aiñ wow chimkhia yeini khnang wow lait ki paitbah u thut hei lai i wan.
Kani toh katkam ka wyrta na u Samborlang Shabong, General Secretary KSU Nongtrai Circle uwa man leh u Asst. Organising Secretary ka KSU South West Khasi Hills District.
Discussion about this post