U Montri Rangbah ka jylla, u Conrad Kongal Sangma da pyntip u wa ka Ministry of Home Affairs ka ri, da pyntip ko wa u Montri ki Kaam Pohyung da khut yaklam u ya ki ar ngut ki Montri Rangbah, ka jylla Assam wa Meghalaya wow klam yasuk wow pynbait ya u pood ki ar jylla ha ka 29 tarik uni u bnai.
Hajrong i pynsñiaw ka UDP wa ka sorkar toh u pait biang ko ya ki kattu katni ki thaw neidaw wympu hun ki paidbah, da ong u wa ka sorkar dadep pyntip ko cha waroh ki seiñ saiñhima wa krehlang hapoh ka sorkar, wei ka sorkar da kreh chitom ko wow pynbait noh ya u pood deiwa pynhun lang ya waroh, wei emkaam u poi chawa kut khamtam hadien wa ka sorkar da kreh chitom ko ha ki 6 bnai wa dadep.
Da ong u wa boi ymye u pynbait lut katkam i kwah næ ya waroh ki bynta, tangwa ka sorkar da kwah ko wow pymbait smat noh katwa ye.
