April 1, 2021

Khutlang ka Seiñ Raij Tuber cha ka Chaad Sukra 2021

by Wyrta Staff

Advertisement ad1

Kamwa jooh leh man-u-snem, ka Seiñ Raij Tuber daw pynman ko yaka Chaad Sukra haka 03-04-2021 ha Madan Chaad Sukra ha Khloo Blai heipor 10 waje i step kamwa man chwa wow hiar rep hiar riang ki khon ki hajar ka Seiñ Raij Tuber cha ki hali ki hator, ki lyngkha ki risa, ki kpær ki ksah, yow chaad pynem warom yaka Bei Ramaw Ramchi yow manbha manmiat ithung itep hajrong ka snieh ka swor i yong ka bei Rymaw. Yow e ngooh e dem ya u Trekirot wabooh wathoo yow yoh dei chait dei tram dei man khih man khan.

Man ko leh chibynta yow yachem lang ki khon ki raiot ka Raij ka muluk, yow yalehkmen leh sñiawbha chirup ka riam ka bait yow pynneh pynsah yaka Riti Dustur kamwa da yoh pateiñ na ki ma ki woh ki longchwa manchwa.

Yaka ni ka Chaad Sukra da jooh pynman hadien wa pyndep u Lyngdoh waki Wasan yaka lehniam Kñia Ryngkaw (Sang Sngi) kawa man ha Duwan Ryngkaw ha Khloo Blai Seiñ Raij Tuber bood won saka (Chaad thoh) Pynhap Symbe u Lyngdoh.

Kamtæ dei mynsien wa sñiaw maya khutlang ya phi ki lok ki jor, ki kur ki kha najan wa na jngai wow sñiawbha phi wow yawan pynchongchit ha katai ka sngi katkam ka kyrwoh Wyrta wa phah da u Wh. R. Harvis Phawa, President (Rangbah Mansan) ka Seiñ Raij Tuber.